Montag, 29 April 2013 18:51

Lütte Lüüd snackt Platt

Plattdeutscher Kindergartenwettbewerb beendet

 

pix lesen Silke-Kaiser pixelio

Foto: Silke-Kaiser / pixelio.de

 

Geesthacht (LOZ/wre). Nu is de Jury ünner dat Leit vun de Kreisbeopdragte för de Förderung vun de plattdüütsche Spraak in unsen Kreis Helga Walsemann bi all de Kinnergoorns west, de Freud an de plattdüütsche Spraak hebbt un ok Moot harren, sik för den Wettstriet antomellen. Bi söss Inrichtungen harrn Kinner un Optreckersche sik veel Mööh geven mit dat Instudeern un dat Butenkoppslehren vun plattdüütsche Leder un anner Texten.

De Jury un ok de Besöök (ton Bispill de Börgermeister, de Pastersche, de Reporters, de Vertreders ut de Gemeen, de Oma, de Kreispräsident) harrn veel Freud an de lüchen Ogen vun de Kinner, ok an de feine Kledaasch vun de lütten Theaterspelers, an dat Singen un de Musik dorto, an den sülvstbackten Koken un de Tass Kaffee. Wenn dat buten ok noch kolt weer, so keem uns binnen glieks de Sünnenschien in de Mööt un maak uns de Harten warm. In all Inrichtungen weren de lütten un groten Jungs un Deerns mit ganz veel Freud an´t Wark. Dorför hebbt se ok all den „plattdüütschen Orden“ kregen.

De Afslussveranstalten vun dissen Kinnergoorn-Wettbewerb warrt fiert an

Mittwoch, den 5. Juni 2013 in ´t Augustinum in Mölln nameddaags Klock 3 (15Uhr).

Denn dörft de dree besten Gruppen ehr Programm öffentlich op de Bühne präsenteern. Alle Kinnergoorns kriegt denn en Urkunn vun den Kreispräsidenten – de Schirmherr över disse Veranstalten is – de dree Siegers bekaamt en Plakett un en Paket mit plattdüütsches Lehrmaterial un ehre Kinner en lütt plattdüütsch Heft to ´n Lesen un Anmalen.

Delnahmen hebbt

Kindergarten Hundert Welten, Kita Kinderinsel, Kindertagesstätte Freundeskreis vorschulischer Erziehung und Martin-Luther-Kindergarten

Delnahmen un wunnen hebbt

Städtischer Kindergarten Ratzeburg, Kindergarten „Escheburger Strolche“ e.V., Kindertagesstätte Regenbogen Geesthacht.

Letzte Änderung am Dienstag, 07 Mai 2013 16:16
Kostenlose Nachrichten aus dem Herzogtum Lauenburg
Kostenlose Nachrichten Mobil

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.